| Akte info |
| Bron (scan) | Soort | Nr | Fol | ScanNr | Datum | Perceel | - |
| Waarboek-67 A-1560 | verkoop | A201 | 118 | 124 | 1561-03-20 | Haarlemmerstraat.180-182 |   |
| schepenschuldbrief | belastingen: 15 stuivers pj mh en nog 15 stuivers pj mh | Haarlemmerstraat | 324 |
| Een huys ende erve staende ende gelegen in Marendorp, met een gange ende poorte uuytghaende in Adriaen van Heemstedestege, ende after dese gange noch een somercoocken. Belegen hebbende aen d'een zijde voor Quyrijn Cornelisz ende Cornelis Meesz zelver, dairan Dammas Dircxz, rietdecker met zijn camertgens ende hoiren erven. Ende aen d'ander zijde Gielis Claesz, vleyshouwer doergaende. Streckende voor uuyt Marendorp tot after in de graft. |
| Mit voerwaerden die goot lopende doer de coecken van desen huyse aldair sal blijven leggen ende zijn cours ende loop hebben. Voerts met voirwaerden dat de besitters van desen huyse ende Quyrijns Corneliszoon ende Cornelis Meess voers ende heuren nacomelingen de goote lopende deur de kocken van desen huyse t'samen sullen besigen ende gebruycken ende elcx halfs ende halfs onderhouden ende becostigen. Ende dat zijluyden insgelijcx alsulcken muerarge staende tusschen desen huyse ende Quyrijn Cornelisz ende Cornelis Meess voors.s huys ende erve t'samen zullen onderhouden ende becostigen, elcx halff ende halff. Voerts met voirwaerden dat Quyrijn Cornelisz ende Cornelis Meess voors. de voorseyde poirte ende gange mede sullen mogen besigen ende gebruycken bij nootsaicken omme 'tgunt zijn van doene hebben zullen dairdeur te mogen dragen ende opdoen, zolange zij eygenaers sullen wesen van heur huysinge ende erve naest desen huyse gelegen. Mer wairt dat zij dezelve heure huysinge ende erve vercoften zoe zal de voors. gange ende poorte nyemant anders mogen besigen noch gebruycken off eenich recht ofte actie daeraen doen hebben off mogen pretenderen dan de besitters van desen voors. huyse. Mer zullen de copers van den voors. huysinge ende erve naest desen huyse gelegen alsdan terstont gehouden wsen tot heuren costen te doen toemetselen de deure mitsgaders 't kasijn ofte veynster staende in de muyer van de voors huysinge, responderende in den voors. gange. |
