| Akte info |
| Bron (scan) | Soort | Nr | Fol | ScanNr | Datum | Perceel | - |
| Waarboek-67 A-1560 | verkoop | A021 | 11 | 016 | 1560-06-27 | Aalmarkt.015 (De Hollantschen Thuyn, Houttuin) |   |
| schepenschuldbrief - en overname losrente door koper | 5 pond Hollands pj mh | Aalmarkt | 493 |
| Een huys ende erve staende ende gelegen op den Rijn omtrent der stede wijncraen, daer Daniel voors. nu ter tijt zelver inne woont. Belegen hebbende an d’een zijde Jan Symon Oomsz, schipper ende an d’ander zijde een poert ende gange daeronder gaende, toebehoerende Adriaen Janszoon, eertijt brouwer, zonder dat Daniel Jacobsz voors. zijnen erven ofte naecomelingen eenich recht, actie of toezeggen an de voors. poorte ende gange zullen hebben off mogen pretenderen omme daerinne off uuyt te gaen, off die in eeniger manieren te bezigen of gebruycken. Streckende voor uuyt den Rijn tot after aen des voorn. Adriaen Jansz.s huys ende erve. |
Met servituyt dat Daniel Jacobsz voors., noch zijnen erven of naecomelingen in den voors. huysinge, noch op ’t erve vandien, nyet en zullen mogen sceepmaicken, noch doen scheepmaicken in gheenre manyeren. Voorts met voirwaerden dat ’t privaethuysgen daer de bezitters van desen huyse op gaen, zal blijven staen zulcx als ’t nu ter tijt staet. Ende dat Jan Symon Oomszoon voors., zijnen erven ende naecomelingen tot heurluyder coste ten eeuwigen daegen onderhouden zullen alle alsulcken looden goete die dezelfde Jan Symonsz Oomsz eertijts tot zijne coste heeft doen maecken ende leggen tusschen zijn huys ende dese voors. huyse omme zijn eygen drop daerinne ontfangen ende geloest te worden tot in den voors. Rijn. Ende dat Daniel Jacobsz ende Jan Symon Oomsz voors. t’samen toebehoren zal alsulcken muyertgen als dezelffde Jan Symon Oomsz ende Alijdt Cornelisdochter voorn. eertijts met malcanderen tot heur beyder costen hebben doen maicken ende leggen, daer heur beyder erve mede affgescheyden is, zonder dat zijluyden noch haeren naecomelingen ’tselffde muyertgen hooger zullen moegen doen maicken ende leggen dan de muyer daer ’t voors. muyertgen aen gewrocht is.
Zie A010. Zelfde transport, doch deze (A021) heeft iets uitgebreidere voorwaarden. De datum is 1 dag later en de tweede schepen is verschillend. |
