Akte info |
Bron (scan) | Soort | Nr | Fol | ScanNr | Datum | Perceel | - |
Waarboek-67 A-1560 | verkoop | A172 | 101 | 106 | 1561-02-14 | Maarsmansteeg.005 (De Zeehaen) | |
schepenschuldbrief | | Maarsmansteeg | 137 |
Een huys ende erve staende ende gelegen alhier in de Maersemansstege met al dat aertvast ende nagelvast daerubbe is, uytgesondert alleen de toonbanck staende in de voors. huyse voor aen den houck. Belegen hebbende aen d’een zijde Ghijsbrecht Dircxz, cruyenierder ende aen d’ander zijde Margriete Jacobsdr, Henrick Paeds van Zonnevelts wedue. Streckende voor uuyte voors. stege tot after met een scheytmuyer, behoerende d’een helfte Ghijsbrecht Dircxz voors. ende d’ander helfte den bezitters van desen voors. huyse, aen des voors. Ghijsbrecht Dircxz.s huyse. |
Met voorwaerden ende servituyten dat Ghijsbrecht Dircxz voors. noch zijnen naecomelingen, noch mede den besitters van dese voors. huyse, te weeten gheen van hem beyden de voors. scheytmuyer hoeger en zullen moegen doen metselen ofte maicken dan dezelve nu ter tijt gemaect staet, ten waere bij consent ende believen van hem beyden. Ende dat die besitters van desen huyse ’t licht staende in de zaele van des voorn. Ghijsbrecht Dircxz.s huysinge responderende op zijn plaetse off erve nyet en sullen moegen betymmeren, bezetten noch beletten in gheenre manyeren. Voort met servituyt dat de besitters van desen voors. huyse heur waterloesinge, zoe wel van boven als van beneden van heur plaetse vallende, hebben ende behouden zullen over des voors. Ghijsbrecht Dircxz.s erve van zijne huysinge uuytwaterende in de zackstege als ‘tzelfde nu ter tijt doet. Voorts met voorwaerden dat de voors. Ghijsbrecht Dircxz, zijnen erven ende naecomelingen mede zullen moegen bezigen ende gebruycken an haere zijde de private staende op ’t erve van desen voors. huyse. Mits dat de besitters van desen huyse ende Ghijsbrecht Dircxz voors. ende zijnen naecomelingen dezelve private zoe wanneer die verstopt off vervolt zal zijn t’samen zullen doen scoenmaicken, ondehouden ende becostigen elcx halff ende halff. |