Akteformulier

Inbreng beiden:

• de voors. Johan van Berendrecht ende Jonckvrouwe Cornelia repectivelicken tot desen huwelick brengen alle alsulcke goeden als in twee cedullen by elcxs ondergeteykent verclaert ende gespecificeert staen. Dat es expresselic bevoorwaert dat alle alsulcke goeden als

Voorwaarden bruid:

• de voors. joncvrouwe ten huwelicke brengt als haere dotaal? goeden zaulff sullen blyven ende over sulcxs nyet vervreempt? ofte verbonden en sullen mogen werden buyten consent vande zelfde joncvrouwe.
• Noch es bevoorwaert dat alle alsulcke goeden als sij toecomende conthoralen ten wedersijden ten huwelicke sullen brengen ende die elcxs staende huwelicke sullen mogen aanbesterven ende opcomen 't sij hij ofte sij 't sij mit ofte sonder kinderen eerst deser werlt overlijdt haren erven ende succederen sullen an elcxs sijne linie ende geslachte daer van die gesproten ende gecomen sijn mitte clederen ende cleynodien tot elcxs lyfve?, rugge ende behouve behorende ende alle conquesten ende verlies van de goeden sullen by het scheyden van 't huwelicke tusschen de langstlevende ende die erfgenaemen vande eerst overlijdende halff ende halff genoten ende gedraghen werden ende die lasten die voor datum van dien opte selve goederen bevonden sullen werden gestaen te hebben, sullen aen elcxe sijde enz… … … Voorts alsoe die voors. joncvrouwe haere dochter begeert te voorsien vuyt die goeden by haer te voors. huwelicke gebracht, soe heeft de selfde joncvrouwe ten bijwesen vande voors. Abraham haeren gecoren voogd in desen bij desen hare voors. dochter gegundt ende gegeven een rente van 200 gulden p.j. ter losse den penningen zestien ingaende 't eerste jaer vandien ten tijde van hare dochters huwelicks dag ofte indien sij ongehuwelict blijft zoe sal d'voorn. joncvrouwe gehouden sijn haere voorschreven dochter oudt wesende 24 jaren sonder minder ende nyet begerende langer by haer te wonen inde plaetse vande voorschreven rente jaerlicx nyet meer vuyt te keren dan 120 gulden p.j. tot hare huwelicxsdach toe. Welverstaende dat haere dochter comende tot huwelicke state volcomen volgen sal de voors. renthe vande 200 gulden p.j. ingaende ten tijde van hare huwelicxsdach ende dan soe voorts van jare te jaren eeuwelicken geduyrende tot dat die selfde renthe met het verloop vandien affge??? ende betaelt sal sijn. Ende beloofde voorts daer van behoorlicke rentebrieve te passeren ende haer dochter tot haer huwelickdach als begerende by haer te blijven in coste ende clederen, 't leven? ende anders te onderhouden inde plaetse van voors. 120 gulden p.j. Welverstaende nochtans indient gebuerde dat de voors. joncvrouwe Cornelia voor haer dochter quame te overlijden, noch andere kinderen in dese toecomende huwelicke te procreeren achterlatende dat alsdan de voors. hare dochter nyet meer en sal vuyt den voors. brieff ontfanghen dan 100 gulden p.j. ende die alsdan voor vuyt de boedel sal genieten ende dan voorts deelen met hare andere broeders ende susters volgende die voors. voorwaerden. Welverstaende dat haere voors. dochter gheen questie ofte querele hare broeders ende susters off nyemandt anders ende van hare salige vaders achtergelaten goeden 't sij ter cruise? van haer legitime portie ofte anders en sal mogen maecken yp peyne dat hare dochter vande voors. jaerlicxse rente van 200 gulden p.j. voor nu gelyck dan versteecken sal wesen ende blyven alle 't welck die voors. jonckvrouwe Maria van Wyngaerden haere dochter mede comparerende ten bijwesen van de voors. jonchere Jacob van Almonde voogd ende mede van ons schepenen voor haer bij deze stipulerende ende stipulatie ontvangende, geaccepteert heeft ende accepteerde bij deze haer joncrouwen mueder daer van seer bedanckende. Voorts es tusschen de voors. Johan van Berendrecht Niclaesz ende joncvr Cornelia voorn. bevoorwaert dat wie van beyden 't sij hij ofte zij eerst deeser werlt quam te overlijden soe sall de langstlevende heffen ende beuren vuyt die goeden vanden eersten overlijdende 't jaers 50 ponden van 40 groten 't stuck sijn ofte haer leven lanck geduyrende en niet langer. Daer toe de voors. conthoralen bij deze alle haer luyden goeden roerende ende onroerende jegenwoordich ende toecomende actien ende crediten gheen van dien vuytgesondert hebben verbonden….