Akte info |
Bron (scan) | Soort | Nr | Fol | ScanNr | Datum | Perceel | - |
Waarboek-67 D-1567 | verkoop | D293 | 132 | 140 | 1570-01-07 | Groenesteeg.022-024 (De III vijseltgens) | |
voldaan met schepenschuldbrief van 300 gld | 2 stuivers en 6 penningen pj mh | Groenesteeg | 2311 |
Een huys ende erve staende ende gheleghen op den houck van den Groenesteghe. Belent ende beleghen hebbende aen d'een sijde Jan Heynrickss voern.t zelver ende aen d'ander sijde de Middelstegraft daeronder gaende. Streckende voer uut de voers. Groenesteghe tot achter aen Maritgen Gherritsdochter, weduwe wijlen Warbout Gherritss.s poorte. |
Met conditie indyen Jan Heynrickss voern.t sijne voers. huysinghe daernaest staende quaeme te vercoopen, zoo zal Cornelis Claess voers. de besteen staende op sijn camer uutgaende ende responderende de voers. bedtstede op de camer van de voers. Jan Heynrickss.s huysinghe, gehouden wezen aff te breecken ende de muyr in ende deur dewelcke dezelve ghetimmert ende ghemaect is effen ende gheheel toe te metselen.Is noch bevoerwaert ende gheconditioneert dat de privaetgoot haer loop zal hebben onder d'achterkeucken in de voers. graft. Midtsgaders dat de watergoot insghelijcks mede haer loop ofte losinghe hebben zal uute kelder voer des voers. Cornelis Claess.s kelder in de voers. graft. Behoudelicken indyen de voers. Jan Heynrickss sijne voers. huysinghe quaeme te vercoopen, zal hij comparant alsdan ghehouden wezen een steenen verwulffde goot te legghen ofte doen maecken onder de voers. kelder, dat 't water daerdeur sijn bequaeme losinghe zal moghen hebben. Ende waer't zaecke dat dezelve goten quaemen te vervuylen ofte verstoppen binnen de sijdelmuyr van de voers. graftsijde, zoe zal Jan Heynrickss voern.t de privaet staende op de plaetse, midtsgaders de goten op sijne costen te doen schoonmaecken. In welcken ghevalle de voers. Cornelis Claess gheherghen zal moeten dat de schoonmaeckinghe van den privaet ende goten voern.t binnen deze sijne ghecofte huysinghe gedaen zal worden. Ende indyen de voers. privaet ende goten vervuilen ofte verstopten nae de sijde van de voers. graft toe, zoe zal Cornelis Claess voern.t dezelve privaet ende goten op sijne costen moeten reynighen ende schoonmaecken.Met verder conditie dat sijluyden de loden goot leggende tusschen haer beyder huysinghe ende erven voern.t onder dack ten eeuwyghen daghen t'heurluyder beyder costen t'samen halff ende halff onderhouden zullen. |